HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Իսրայելում կստեղծվի Հայաստանի դեսպանություն

Իսրայելում կստեղծվի Հայաստանի դեսպանություն։ Նման որոշում այսօրվա նիստին կայացրեց Կառավարությունը։

Դեսպանության նստավայրը կլինի Իսրայելի մայրաքաղաք Թել Ավիվը։

Ինչպես Կառավարությանը հայտնել է Արտաքին գործերի նախարարությունը՝ Հայաստանի  և Իսրայելի միջև դիվանագիտական հարաբերությունները հաստատվել են դեռևս 1992թ. ապրիլին: Այնինչ վերջին տարիներին զգալիորեն աճել են հայ-իսրայելական երկկողմ համագործակցության զարգացման դինամիկան և տարբեր մակարդակներում շփումները:

«Իսրայելում դեսպանություն ստեղծելը, անպայմանորեն, կնպաստի հայ-իսրայելական փոխգործակցության խորացմանը՝ միաժամանակ ապահովելով դրանց բնականոն զարգացումը»,- հայտնել է ԱԳՆ-ն։

Իսրայելում Հայաստանի դիվանագիտական ներկայացուցչություն հիմնելու անհրաժեշտությունը նախարարությունը պայմանավորել է նաև այն հանգամանքով, որ մերձավոր արևելյան տարածաշրջանում Իսրայելը հանդիսանում է կարևոր աշխարհաքաղաքական դերակատար, որի վարած քաղաքականությունն ուղղակիորեն ազդում է այդ տարածաշրջանի վերաձևավորման և կայունության վրա։

Նշենք, որ 2000-2008թթ. ընթացքում Իսրայելում Հայաստանի դեսպանն է եղել Էդվարդ Նալբանդյանը՝ նստավայրը Փարիզ, 2012-2018թթ. ընթացքում Եգիպտոսում Հայաստանի դեսպան Արմեն Մելքոնյանը համատեղությամբ նշանակվել է դեսպան Իսրայելում, իսկ 2018 թվականի մարտից Իսրայելի Պետությունում Հայաստանի դեսպանն է Արմեն Սմբատյանը, նստավայրը՝ Երևան:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։