Զինվորական ծառայություն իրականացնելիս հրազենային վնասվածք ստացած Հայկ Սեխլիյանի բուժումը Գերմանիայում շարունակելու նպատակով Կառավարությունը 9,4 միլիոն հատկացրեց։

Գումարը տրամադրվելու է Պաշտպանության նախարարությանը՝ Կառավարության պահուստային ֆոնդից։

Բուժման ծախսերը ներառում են նաև գիշերակացի, սննդի, դեղորայքի, օրական երեքանգամյա բուժիչ պրոցեդուրաների, բժիշկների խորհրդատվության արժեքը:

ՊՆ-ի հաղորդմամբ՝ հատուկ նշանակության ստորաբաժանման պայմանագրային ավագ սերժանտ Հայկ Սեխլիյանը 2016 թվականի ապրիլի 4-ին Արցախի Հանրապետության Թալիշ գյուղի սահմանին ստացել է ականապայթյու­նային ողնաշար-ողնուղեղային վիրավորում:

Հայաստանի բժշկական կենտրոններում երկարատև բուժօգնությունից հետո Սեխլիյանը մասնագիտական հետազոտություններ է անցել ԳԴՀ Շվարցվալդի Բադ Քրոցինգեն կլինիկայում, որտեղ առաջակվել է 28-օրյա ստացիոնար վերականգնողական համալիր մասնագիտացված բուժօգնություն:

Կլինիկայի տված տեղեկատվության հիման վրա մասնագիտական հանձնաժողովը օրեր առաջ դրական եզրակացություն է տվել Հայկ Սեխլիյանի բուժումը Գերմանիայի Դաշնային Հանրապետությունում կազմակերպելու վերաբերյալ։