HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Դատարանը մերժեց Ռոբերտ Քոչարյանին կալանքից ազատելու հերթական միջնորդությունը

Հայաստանի երկրորդ նախագահ Ռոբերտ Քոչարյանին ազատ արձակելու միջնորդությունը նորից մերժվեց: Երևան քաղաքի ընդհանուր իրավասության դատարանը` նախագահությամբ դատավոր Աննա Դանիբեկյանի, այս որոշումը հրապարակեց քիչ առաջ:

Քոչարյանի պաշտպանները միջնորդել էին նրան ազատ արձակել ստորագրությամբ կամ գրավի դիմաց: Հիշեցնենք՝ Ռոբերտ Քոչարյանը մեղադրվում է Քրեական օրենսգրքի 300.1-րդ հոդվածի 1-ին մասով և 311-րդ հոդվածի 4-րդ մասի 2-րդ կետով` սահմանադրական կարգը տապալելու և առանձնապես խոշոր չափերով կաշառք ստանալու մեջ:

Նույն գործով անցնում են նաև ՀԱՊԿ նախկին գլխավոր քարտուղար Յուրի Խաչատուրովը, պաշտպանության նախկին նախարար Սեյրան Օհանյանը, նախկին փոխվարչապետ Արմեն Գևորգյանը: Մասնավորապես` Յուրի Խաչատուրովը, Սեյրան Օհանյանը մեղադրվում են 300.1 հոդվածով նախատեսված արարք կատարելու մեջ, իսկ Արմեն Գևորգյանը կաշառք ստանալու, փողերի լվացման և սահմանադրական կարգի տապալմանն օժանդակելու մեջ է մեղադրվում: Բացի Ռոբերտ Քոչարյանից՝ մյուս բոլոր ամբաստանյալներն այս գործով ազատության մեջ են:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։