«Վանաձոր» քրեակատարողական հիմնարկի (ՔԿՀ) պետ Մհեր Անտոնյանն այսօր իր զեկուցագրի համաձայն ազատվել է աշխատանքից։

«Հետք»-ի տեղեկությունը հաստատեց Քրեակատարողական ծառայության հանրային կապերի բաժնի պետ Նոնա Նավիկյանը։

Զեկուցագիրը Քրեակատարողական ծառայության ղեկավարն ընդունել է:

«Վանաձոր» ՔԿՀ-ի պետի ժամանակավոր պաշտոնակատար է նշանակվել արդարադատության գնդապետ Արտյոմ Մաղաքյանը։ Վերջինս պետի տեղակալի պաշտոնն էր զբաղեցնում։

Հիշեցնենք, որ օրերս Հատուկ քննչական ծառայությունը «Վանաձոր» ՔԿՀ-ի նախկին պետ Ա.Հ.-ին պաշտոնեական դիրքի չարաշահման և կաշառք վերցնելու կասկածանքով մեղադրանք է առաջադրել։ Վերջինս ձերբակալվել  է։

Լուսանկարը՝ Մհեր Անտոնյանի ֆեյսբուքյան էջից.