HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Սյունիքի փոխմարզպետը՝ պարտադիր զինվորական ծառայությունից ազատվելու մասին

Սյունիքի մարզպետի տեղակալ Նարեկ Բաբայանը զինվորական ծառայությունից ազատվել է առողջական հիմքով։ Այս մասին «Հետքի» գրավոր հարցմանն ի պատասխան հայտնել է փոխմարզպետը։

Բաբայանը, սակայն, չի հայտնել թե զինծառայողների պիտանիության աստիճանը որոշող հիվանդությունների ցանկի որ հոդվածի հատկանիշներով է ազատվել։ Ինչ վերաբերում է այն հարցին, թե արդյոք պատրա՞ստ է կրկին բժշկական փորձաքննության ենթարկվել, Բաբայանը պատասխանել է։

«Սկսած 2012 թվականից` բազմիցս ենթարկվել եմ բժշկական փորձաքննության, որոնք հաստատել են խնդրի առկայությունը, և դրանց արդյունքների հավաստիությունը կասկածի տակ դնելու հիմքեր չեմ տեսնում»։

Նարեկ Բաբայանը Սյունիքի փոխմարզպետ է նշանակվել 2018 թվականի հունիսի 27-ին, «Քաղաքացիական պայմանագիր» կուսակցության անդամ է։

Հիշեցնենք, որ «Հետքը» պարբերաբար անդրադառնում է պարտադիր ժամկետային զինվորական ծառայությունից ազատված պաշտոնատար անձանց՝ զինծառայությունից ազատման հիմքերի ուսումնասիրմանը։

Լուսանկարը՝ Նարեկ Բաբայանի ֆեյսբուքյան էջից

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter