Բջնիի իր ամառանոցում հայտնաբերվել է նախկին ոստիկանապետ Հայկ Հարությունյանի դին: Տեղեկությունը «Հետքի» հետ զրույցում հաստատեց  ոստիկանության լրատվության և հասարակայնության հետ կապի վարչության պետի տեղակալ Էդգար Ջանոյանը:

Հարությունյանը գլխի շրջանում ունեցել է հրազենային վնասվածք, ըստ նախնական վարկածի` վերջինս ինքնասպան է եղել: Դեպքի մասին ահազանգը ոստիկանությունը ստացել է այսօր՝ սեպտեմբերի 23-ի գիշերը:

Հիշեցնենք, որ Հայկ Հարությունյանը ոստիկանապետ է եղել 2003-ից մինչև 2008 թվականները: Մինչ այդ և դրանից հետո մի շարք այլ բարձր պաշտոններ է զբաղեցրել:

Հարությունյանը Մարտի 1-ի գործով առանցքային վկա էր: