Նախկին գլխավոր դատախազ Աղվան Հովսեփյանը հարցաքննվել է «Մարտի 1-ի գործով»: Այս մասին այսօր լրագրողների հետ զրույցում ասաց գլխավոր դատախազ Արթուր Դավթյանը:

Հովսեփյանի հարցաքննության մասին տեղեկությունը տարածվել է մոտ երկու ամիս առաջ, սակայն վարույթն իրականացնող հատուկ քննչական ծառայությունն ու դատախազությունն այդ տեղեկությունը որևէ կերպ չէին մեկնաբանել:

Հովսեփյանը հարցաքննվել է վկայի կարգավիճակով:

Հարցին, թե ի՞նչ կարգավիճակ ունի այժմ նախկին գլխավոր դատախազը, Արթուր Դավթյանը պատասխանեց, թե «հետագան ըստ ապացույցների կերևա»:

Նշենք, որ Աղվան Հովսեփյանը գլխավոր դատախազի պաշտոնը զբաղեցրել է 2004-2013 թվականներին:

Լուսանկարը՝ քննչական կոմիտեի պաշտոնական կայքից