Ազգային Ժողովի գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը նախաձեռնում է Տավուշի մարզի սահմանամերձ համայնքներում կրթության վերաբերյալ աշխատանքային հանդիպումներ: Այս մասին այսօր հրավիրված հանձնաժողովի նիստին ասաց հանձնաժողովի նախագահ, «Իմ քայլը» խմբակցության պատգամավոր Մխիթար Հայրապետյանը:

«Առաջիկայում աշխատանքային քննարկումների շարք ենք սկսելու Տավուշում: Տեղանքը ևս պատահական չէ ընտրված, այդ կերպ փորձելու ենք վերհանել սահմանամերձ, սահմանապահ շրջաններում առկա ոչ միայն միջին մասնագիտական կրթության ուսուցման ոլորտի, այլ առհասարակ կրթության ոլորտում առկա բոլոր խնդիրները»,- ասաց Հայրապետյանը: