![](/static/articles/01/07/83/l-PbJfZ9mPHQ.jpg)
«Հայացք». Իշխանը մտածում է
Արտակարգ իրավիճակների նախարար Արմեն Երիցյանը երեկ կառավարությունում լրագրողների հետ ճեպազրույցում հերքեց այն լուրերը, թե շուտով ինքը ոստիկանապետ է նշանակվելու:
«Մենք հայերով սիրում ենք պաշտոններ բաժանել մեկս մյուսին, բայց պետք է ասեմ, որ դրանք անհեթեթ խոսակցություններ են: Ընդհանուր առմամբ, երկրի նախագահն է որոշում, թե ով պետք է ոստիկանապետ աշխատի»,- ասաց նա:
Արմեն Երիցյանը նշեց, որ, իր կարծիքով, ոստիկանապետ Վլադիմիր Գասպարյանն իր առջև դրված խնդիրները կարողանում է կատարել:
Ոստիկանապետի պաշտոնում աշխատելու առաջարկ ստանալու դեպքում, սակայն, Արմեն Երիցյանը չի մերժի. «Եթե առաջարկեն, կմտածեմ, կտեսնեմ»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել