Մարց-Աթան հանրապետական նշանակության ճանապարհի սողանքային հետևանքների վերացման նպատակով Կառավարությունը 27,5 միլիոն դրամ հատկացրեց։ Գումարը ծախսվելու է նախագծերի պատրաստման, ծախսերի գնահատման և սողանքի վտանգի չեզոքացման նպատակով։

Ինչպես Կառավարությանը հայտնել է Արտակարգ իրավիճակների նախարարությունը՝ Մարց-Աթան հանրապետական նշանակության ճանապարահատվածի 25 կմ վրա առկա է ակտիվ սողանքավտանգ տեղամաս, որի փլուզման հետևանքով հնարավոր է հանրապետական նշանակության ճանապարհի փակում:

Այս ճանապարհն ընդհանուր ճանապարհային ցանցին կապող միակ ճանապարհն է Լոռու մարզի Աթան բնակավայրի համար: «Հաշվի առնելով խնդրի հրատապությունը՝  Արտակարգ իրավիճակների նախարարությունն իրականացրել է տեղանքի ուսումնասիրություն և կատարել է պայթեցում»,- գործադիրին հայտնել է ԱԻՆ-ը։

Լուսանկարը՝ shantnews․am-ի