Տեսանյութեր
Լուսանկարներ
Սրտաբանության եվրակովկասյան 7-րդ համաժողովի կազմակերպման համար գործադիրը գումար հատկացրեց
Հոկտեմբերին Հայաստանում կկայանա Սրտաբանության եվրակովկասյան 7-րդ համաժողովը։ Դրա ծախսերի փոխահատուցման նպատակով Կառավարությունը Առողջապահության նախարարությանը 7 միլիոն դրամ հատկացրեց։
Առողջապահության նախարարության հաղորդմամբ՝ համաժողովին մասնակցելու են եվրոպական և այլ երկրներից մասնագետներ ու գիտնականներ:
Նախարարությունը հայտնել է, որ համաժողովի անցկացման ֆինանսավորումը նախորդ տարիներին տրամադրել է Սփյուռքի նախարարությունը։
«Համաժողովի անցկացումը շատ կարևոր և դրական նշանակություն ունի Հայաստանի Հանրապետության առողջապահության` մասնավորապես սրտաբանության զարգացման համար»,- հայտնել է նախարարությունը։
Համաժողովի ընթացքում նախատեսվում են սրտաբանության ոլորտի բժշկագիտական զեկույցներ ու քննարկումներ՝ հայտնի մասնագետների մասնակցությամբ, շփումներ տարբեր երկրների առաջատար սրտաբանների հետ:
Մեկնաբանել