Տեսանյութեր
Լուսանկարներ
«Չորրորդ ինքնիշխանություն». հայտարարելու են խիստ ամոթանք
Բանից պարզվում է՝ Հատուկ քննչական ծառայությունը քննարկում է Ազգային ժողովի հանրապետական պատգամավորների՝ ուրիշների փոխարեն քվեարկելու մասին հաղորդումը:
«ՉԻ» - ՀՔԾ-ի գործն էլ մի գործ չէ: Ի՞նչ կա այդտեղ քննարկելու, եթե հանրապետական 4 պատգամավոր ուրիշների փոխարեն քվեարկել է տասնյակ լրագրողների աչքի առաջ, ու տեսագրություններն էլ կան:
Բայց խնդիրը միայն դա չէ: Ենթադրենք՝ ՀՔԾ-ն ընդունեց, որ այդ մարդիկ ուրիշների փոխարեն են քվեարկել, հետո ի՞նչ: Տուգանելո՞ւ են, թե՞ որոշելու են «վերոնշյալ 4 պատգամավորին հայտարարել խիստ ամոթանք»: Հետաքրքիր է՝ պատգամավորի անձեռնմխելիության սկզբունքը նաեւ ամոթանք տալու պատժամիջոցի՞ն է վերաբերում:
Ուրիշ պրոբլեմ էլ կա: Եթե ՀՔԾ-ն գործին ընթացք տա, կստացվի, որ այդ օրը խորհրդարանում քվորում չի եղել, հետեւաբար՝ ընդունված բոլոր որոշումներն ապօրինի են: Դե արի հիմա նորից նիստ արա, այդքան մարդու տնից տեղից կտրի ու բեր Ազգային ժողով... Ո՞վ զահլա ունի:
Այնպես որ, ՀՔԾ-ն ճիշտ կանի, եթե որոշի, որ այդ ամենը լրագրողների աչքին է երեւացել, տեսագրությունները մոնտաժված են, Լարիսա Ալավերդյանն էլ հաշվել չգիտի:
Մեկնաբանություններ (1)
Մեկնաբանել