Վերաքննիչ քրեական դատարանը՝ նախագահությամբ դատավոր Ռուբիկ Մխիթարյանի, քիչ առաջ հեռացավ խորհրդակցական սենյակ՝ ՊԵԿ նախկին նախագահ, Ֆինանսների նախկին նախարար Գագիկ Խաչատրյանի կալանավորման դեմ բողոքի գործով որոշում կայացնելու: Այս մասին դատարանի դիմաց գտնվող լրագրողներին ասաց Խաչատրյանի պաշտպաններից Երեմ Սարգսյանը:

Պաշտպանը հայտնեց, որ դատարանին ներկայացվել է նաև միջնորդություն՝ Խաչատրյանի նկատմամբ գրավ  կիրառելու վերաբերյալ:

Պաշտոնեական դիրքի չարաշահման և առանձնապես խոշոր չափի վատնում կատարելու մեջ մեղադրվող նախկին նախարարի կալանքի դեմ բողոքի քննությունն այսօր մեկնարկել էր ժամը 16:30-ին, որոշումը կհրապարակվի սեպտեմբերի 30-ին: