Սեպտեմբերի 12-ին ոստիկանության Սևանի բաժնում հաղորդում էր ստացվել, որ բացել են Սայաթ-Նովա փողոցում գտնվող ՀՀ ՖՖ պատկանող մասնաշենքի դուռն ու գողացել կենցաղային իրեր։ Այս մասին տեղեկացնում է ոստիկանության մամուլի ծառայությունը:

Դեպքի առթիվ քրեական գործ է հարուցվել, որի շրջանակներում Սևանի քրեական հետախույզները ձեռնարկեցին մի շարք օպերատիվ միջոցառումներ։ Արդյունքում, դեպքից մի քանի օր անց՝ սեպտեմբերի 25-ին, հանցագործությունը բացահայտվեց։

Գողությունը կատարելու կասկածանքով ոստիկանության Սևանի բաժին բերման ենթարկվեց Աբովյան քաղաքի բնակիչ 22-ամյա մի երիտասարդ, ներկայացվեց նախաքննական մարմնին ու ձերբակալվեց։

Հետագա միջոցառումներով պարզվեց, որ գողոնը իրացվել է Երևանում գտնվող շուկաներից մեկում։ Հափշտակված իրերի մի մասը հայտնաբերվել և առգրավվել է։ Դեպքի հանգամանքները պարզվում են։

Նախաքննությունը շարունակվում է։