Արարատի մարզի Մրգանուշ համայնքում այսօր համայնքի ղեկավար են ընտրում: Պաշտոնի համար պայքարում է երկու թեկնածու՝ գործող համայնքապետ, դաշնակցական Մանվել Սարգսյանը, ինչպես նաև անկուսակցական, ինքնաառաջադրված թեկնածուներ Արկադի Մանուկյանը և Գարիկ Շահբազյանը:

Մրգանուշ համայնքի 11/01 ընտրատեղամասում ընտրության մեկնարկի ազդարարումից անմիջապես հետո համայնքի բնակիչները արդեն գալիս էին ընտրատեղամաս՝ քվեարկելու։

8։30-ի սահմաններում հանձնաժողովի անդամները որոշեցին կազմակերպել սուրճի ընդմիջում, սակայն տեսնելով լրագրողին՝ հանձնաժողովի նախագահ Նարինե Ստեփանյանը անդամներին առաջարկեց սրճել ընտրասենյակից դուրս: Հանձնաժողովի մի քանի անդամ, այդ թվում նաև մատնահետքի սարքի պատասխանատուները դուրս եկան միջանցք՝ սրճելու։

Հավելենք, որ Մրգանուշ համայնքում գրանցված ընտրողների թիվը 916 է:

Անյա Սարկիսովա