Արարատի մարզի Մրգանուշ համայնքում «Իրազեկ քազաքացիների միավորում» հասարակական կազմակերպության դիտորդը՝ Ծաղիկ Դավթյանը, արձանագրեց, որ ընտրողների ցուցակը ստուգում էր մատնահետքի սարքի մասնագետը։

Երբ դիտորդը բարձաձայնեց այդ մասին հանձնաժողովի անդամների և դիտորդի միջև վիճաբանություն սկսվեց։

Հանձնաժողովի նախագահը նշեց, որ խնդիր կար, և Կենտրոնական ընտրական հանձնաժողովից էին խնդրել նայել ցուցակները։ Դիտորդն իր հերթին հավելեց, որ դա խախտում է, և հանձնաժողովի անդամներն իրավունք չունեն նայել գրանցված տվյալները։

Հանձնաժողովի նախագահը խնդրեց լարված իրավիճակ չստեղծել ու զերծ մնալ վիրավորանքներից։ Նրա խոսքով՝ թերությունների պատճառը համայնքի բնակիչների անտեղյակ լինելն է:

13։00-ի դրությամբ՝ ընտրատեղամասում 916 գրանցված ընտրողներից քվեարկել է 295-ը։