Արմավիրի մարզի Նոր Կեսարիա համայնքի ընտրություններին ժամը 14։43-ի դրությամբ 1200 ընտրողներից մասնակցել է 540-ը։ Նրանց թվում է նաև համայնքապետի երկու թեկնածուներից մեկը՝ գործող համայնքապետ Հրայր Գալստյանը, որ ընտրության ընթացքն ու մասնակցությունը գոհացուցիչ է համարում․

«Նորմալ է, դե մարդիկ աշխատանքների մեջ են՝ դաշտերում, անասնապահությամբ են զբաղված, ամեն մարդ իր ազատ ժամանակը գտնում է, գալիս է։ Նորմալ, ակտիվ մասնակցություն կա»,-ասաց Գալստյանը։

Քանի որ վերջինս և համայնքապետի մյուս թեկնածուն՝ Վաչագան Ավետիսյանը, ազգականներ են, հետաքրքրվեցինք՝ արդյոք այդ փաստը չի՞ ազդում ընտրությունների ընթացքի վրա, չկա՞ արդյոք լարվածություն, Գալստյանը պատասխանեց․

«Ո՜չ, ո՛չ, բացարձակ, հաղթանակը միանշանակ մերն է»։

Մարգարիտա Ղազարյան