14/1 ընտրատեղամասում առաջատարը Դավիթ Մինասյանն է՝ 303 ձայնով, նրան հաջորդում է Սարդուր Թևոսյանը՝ 280 ձայն, Սամվել Վարդանայնը հավաքել է 191 ձայն, իսկ Սամվել Ավետիսյանը՝ 140, 16 քվեաթերթիկ անվավեր է ճանաչվել: 1878 ընտրողներից այստեղ քվեարկությանը մասնակցել է 930 քաղաքացի:

Ըստ Կենտրոնական ընտրական հանձնաժողովի հրապարակած նախնական տվյալների՝ ամբողջ Փարաքար համայնքում, որն ընդգրկում է Փարաքար և Թաիրով գյուղերը, ընտրելու իրավունք ուներ 6852 քաղաքացի, որոնցից 2906-ը կամ 42,41%-ը մասնակցել են սեպտեմբերի 29-ի ընտրություններին: Նշենք, որ համայնքն ուներ 4 ընտրատեղամաս, մյուս երկու ընտրատեղամասերի արդյունքները «Հետք»-ին հայտնի չեն:

Չնայած նախընտրական թեժ պայքարին և մրցակցությանը՝ դիտարկված երկու ընտրական տեղամասերում մեր գտնվելու պահին էական խախտումներ չեն արձանագրվել, եղած վրիպակները կարգավորվել են հանձնաժողովների նախագահների, դիտորդների, որոշ դեպքերում նաև վստահված անձանց բարձրաձայնելուց հետո: Տեղամասերից դուրս՝ հարակից տարածքներում, սակայն, նկատվում էին մի քանի հոգանոց խմբեր, որոնք պարզապես հետևում էին տեղամասի շրջակայքում տեղի ունեցող իրադարձություններին: 

Հիշեցնենք, որ գլխավոր մրցակիցների՝ Սարդուր Թևոսյանի և Դավիթ Մինասյանի մասին ընտրապայքարի ընթացքում շատ է խոսվել: Թևոսյանի անունը նախընտրական շրջանում մամուլում կապվել էր ԵԿՄ ղեկավար Սասուն Միքայելյանի հետ, նշվում էր, որ թեկնածուն վայելում է Միքայելյանի աջակցությունը: Մինասյանի մասին հիշատակումները կապված էին նախկինում ազատազրկված լինելու հետ:

Անահիտ Հակոբյան