ԱԺ պաշտպանության և անվտանգության հարցերի հանձնաժողովը Ֆելիքս Ցոլակյանի առաջարկով մտադիր է լսումներ անցկացնել
Արտակարգ իրավիճակների նախարար Ֆելիքս Ցոլակյանը դիմել է ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանին՝ խորհրդարանական լսումներ կազմակերպելու առաջարկով:
Այս մասին հանձնաժողովի նիստում ասաց Անդրանիկ Քոչարյանը:
Քոչարյանի խոսքով՝ Ցոլակյանն առաջարկել է Աղետների ռիսկերի նվազեցման համաշխարահային օրվա կապակցությամբ լսումներ իրականանացնել:
«Թեման շատ կարևոր է, կարծում եմ՝ արժի լսումներ կազմակերպենք, եթե դեմ չեք դիմենք խորհրդարանին նիստերի դահլիճի համար»,- ասաց նա:
Քոչարյանն աասաց, որ ինքն ու հանձնաժողովի անդամ Գևորգ Գորգիսյանը գործուղման մեջ են լինելու՝ առաջարկելով լսումները կազմակերպել հոկտեմբերի 17-ին կամ 18-ին:
Հիշեցնենք, 1989թ-ից ի վեր հոկտեմբերի 13-ը աշխարհում նշվում է որպես Աղետների ռիսկի նվազեցման միջազգային օր:
Լուսանկարում՝ Անդրանիկ Քոչարյանը
Մեկնաբանել