HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Կառավարությունն Արտավազդ Փելեշյանի «Հուշեր» գրքի ստեղծման համար գումար հատկացրեց

Կառավարությունն այսօրվա նիստին որոշեց կինոռեժիսոր Արտավազդ Փելեշյանին ևս 4,8 միլիոն դրամ փոխանցել՝ «Հուշեր» գրքի ստեղծման աշխատանքները շարունակելու համար։

Ինչպես Կառավարությանը հայտնել է Կրթության, գիտության, մշակույթի և սպորտի  նախարարությունը՝ 2018 թվականի մարտի 28-ին Մշակույթի նախա­րարության և կինոռեժիսոր Արտավազդ Փելեշյանի միջև կնքվել է պայմանագիր, որով նախարարությունը հեղինակին «Հուշեր» գրքի ստեղծման համար պետք է փոխանցի 12 միլիոն դրամ։ Համաձայն այդ պայմանագրի՝ գումարի 30 %-ը փոխանցվել է 2018 թվականին, 40 %-ը ենթակա է փոխանցման այս տարվա ընթացքում, մնացյալ 30 %-ը` աշխատանքի ավարտի վերաբերյալ հանձնման-ընդունման արձանագրության ստորագրումից հետո:

«Նշված աշխատանքների ֆինանսավորման կասեցումը կհանգեցնի գրքի ստեղծման աշխա­տանք­ների ձախողմանն ու պայմանագրային պարտավո­րությունների չկա­տարմանը՝ խաթարելով մեծ վավերագրողի գրական ժառան­գության ստեղծումը»,- որոշման նախագծում հայտնել էր նախարարությունը։

Լուսանկարը վերցվել է yerkir.am-ից

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։