HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Գագիկ Խաչատրյանի եղբորորդի Կարեն Խաչատրյանը կալանքի տակ կմնա

Վերաքննիչ քրեական դատարանը՝ նախագահությամբ դատավոր Անդրանիկ Մնացականյանի, այսօր մերժել է ՊԵԿ նախկին նախագահ Գագիկ Խաչատրյանի եղբորորդի Կարեն Խաչատրյանի կալանքի դեմ բողոքը: Այս մասին «Հետքի» հետ զրույցում ասաց Կարեն Խաչատրյանի պաշտպան Ամրամ Մակինյանը: Այսպիսով, Խաչատրյանը կշարունակի կալանքի տակ մնալ:

Նշենք, որ Խաչատրյանին երկու ամիս ժամկետով կալանավորելու որոշման դեմ բողոքի գործով հերթական դատական նիստը նշանակված էր այսօր առավոտյան: Բողոքի քննությունն ավարտելով` դատարանը հեռացել է խորհրդակցական սենյակ, ապա հրապարակել որոշումը:

Կարեն Խաչատրյանը նախկինում աշխատել է ՊԵԿ-ում, մեղադրվում է առանձնապես խոշոր չափով վատնում կատարելու մեջ: Ազգային անվտանգության ծառայությունը նրան  ձերբակալել է օգոստոսի 27-ին: Նույն գործի շրջանակներում մեղադրանք է առաջադրվել նաև Խաչատրյանի հորեղբորը՝ ՊԵԿ նախկին նախագահ, ֆինանսների նախկին նախարար Գագիկ Խաչատրյանին: Վերջինս մեղադրվում է պաշտոնեական դիրքի չարաշահման և առանձնապես խոշոր չափով վատնում կատարելու մեջ: Օրեր առաջ Վերաքննիչ դատարանը քննել է նաև Գագիկ Խաչատրյանի խափանման միջոցը կալանավորում ընտրելու վերաբերյալ բողոքն ու օրինական համարել նրան կալանավորելու՝ առաջին ատյանի դատարանի որոշումը:

Քրեական գործն առնչվում է Գագիկ Խաչատրյանի՝ որպես ՊԵԿ նախագահ պաշտոնավարման շրջանում 210 մլն դրամ գումար վատնելուն:

Լուսանկարում՝ ձախից Կարեն Խաչատրյանը, դատավոր Անդրանիկ Մնացականյանը

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։