Փետրվարի 17-ին՝ ժամը 21.00-ին, ոստիկանության Երևան քաղաքի վարչության ՊՊԾ գնդի 1-ին գումարտակի 2-րդ վաշտի ոստիկանները «Սուրբ Գրիգոր Լուսավորիչ» եկեղեցու մոտից Կենտրոնականի բաժին են ներկայացրել 1995 թ. ծնված Մուրադ Խ.-ին, 1996 թ. ծնված Գրիգոր Բ.-ին, 1995 թ. ծնված Սերյոժա Ա.-ին և 1997 թ. ծնված Սերգեյ Ե.-ին:

 

Պարզվել է, որ նշված վայրում Մուրադ Խ.-ն, Գրիգոր Բ.-ն և Սերյոժա Ա.-ն վիճաբանել են Սերգեյ Ե.-ի հետ և ձեռքերով ու ոտքերով ծեծի ենթարկել նրան:

 

Դեպքի վայրից ոստիկանները հայտնաբերել են դանակի շեղբ` 9 սմ երկարությամբ, իսկ Սերյոժա Ա.-ի մոտից՝ գրիչանման ծակող գործիք:

 

Նշանակվել են դատաբժշկական և դատատեխնիկական փորձաքննություններ: Կատարվում է հետաքննություն: