Երևան քաղաքի ընդհանուր իրավասության դատարանը՝ նախագահությամբ դատավոր Մնացական Մարտիրոսյանի, քիչ առաջ մերժեց ԱԺ նախկին պատգամավոր, գեներալ Մանվել Գրիգորյանին գրավով ազատելու վերաբերյալ հերթական միջնորդությունը:

Որոշման հրապարակումից հետո նրա կինը՝ Նազիկ Ամիրյանն, ամենայն հավանականությամբ, իբրև բողոքի նշան սկսեց ծափահարել:

Այսօրվա դատական նիստն ավարտվեց:

Նշենք, որ Գրիգորյանի պաշտպաններն այսօր դատարանին հայտնել էին, որ նրա վիճակը երեկ սրվել է, ապա անհրաժեշտություն է առաջացել բժշկական միջամտության՝ անզգայացման միջոցով:

Պաշտպանները միջնորդել էին Գրիգորյանին ազատ արձակել գրավի դիմաց: