Կառավարությունն այսօրվա նիստին որոշեց մոտ 26 միլիոն դրամ հատկացնել Արտակարգ իրավիճակների նախարարությանը՝ պետական պահուստի նյութական արժեքների պահպանման համար։ Այդ գումարի շրջանակներում բարելավելու են նյութական արժեքների պահպանման շենքային պայմանները։

Ինչպես Կառավարությանը հայտնել է ԱԻՆ-ը՝ անմխիթար վիճակում է գտնվում «Լազուր» ՊՈԱԿ-ի պտուղ-բանջարեղենի պահեստի տանիքը և մեքենաների բեռնաթափման հրապարակի տանիքը: Այդ տանիքների ընթացիկ վերանորոգման համար անհրաժեշտ է գնել 13 միլիոն դրամի շինանյութ, իսկ աշխատանքները կկատարվեն ՊՈԱԿ-ի արտաբյուջետային միջոցների հաշվին:

13 միլիոն դրամ էլ կհատկացվի Դիլիջանի, Սևանի, Եղեգնաձորի, Թալինի պահեստարանների պատուհանների ճաղավանդակներով անվտանգության ապահովումն իրականացնելու, պահակատները, սանհանգույցները, աշխատասենյակները նորոգելու համար։