Կառավարությունն այսօրվա նիստին որոշեց 5,7 միլիոն դրամ հատկացնել Արդարադատության նախարարությանը, որպեսզի փոխհատուցի անվճարունակության գործերով նախատեսված գումարները։

Նախարարությունը գործադիր ներկայացրած որոշման նախագծում հայտնել է, որ անվճարունակության գործերով կառավարիչները ներկայացրել են 46 փոխհատուցման ենթակա դատական վճիռ, իսկ տարեկան կանխատեսվում է ևս 190 դատական վճիռ, որոնց ֆինանսավորմանը ենթակա գումարները գերազանցում են հատկացված միջոցները։