HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Առաջարկվում է 6 ամիս ընտանեկան նպաստ տրամադրել այն ընտանիքին, որի աշխատունակ անդամն աշխատանքի կանցնի

Աշխատանքի և սոցիալական հարցերի նախարարությունն առաջարկում է 6 ամիս ընտանեկան կամ սոցիալական նպաստ տրամադրել այն ընտանիքներին, որոնց աշխատունակ անդամը աշխատանքի կանցնի։

Նախարարությունն առաջարկում է նաև ընտանիքի անապահովության գնահատման ժամանակ հաշվի առնել 100 հազար դրամ և ավել գումարով ամենամսյա վարկեր սպասարկելու հանգամանքը:

Նման առաջարկություն է նախարարությունը ներկայացրել իրավական ակտերի նախագծերի հրապարակման միասնական կայքում։

«Նախագիծն ընդունվելու դեպքում կբարձրանա համակարգի հասցեականությունը, ինչպես նաև` ընտանեկան և սոցիալական նպաստ ստացող ընտանիքները աստիճանաբար կգերադասեն զբաղվածությունը (ինքնազբաղվածությունը)՝ նպաստ ստանալուց»,- հայտնել է Աշխատանքի և սոցիալական հարցերի նախարարությունը։

Այս նախագծով նախատեսվում է նաև այդ ընտանիքներին թույլ տալ օգտվել զբաղվածության ակտիվ ծրագրերի շրջանակներում իրականացվող միջոցառումներից։

Նախարարությունն ակնկալում է նպաստառու ընտանիքների համար ստեղծել ինքնուրույնաբար կայուն եկամտի ձևավորման հնարավորություններ և ապախթանել պետական նպաստը ստանալու հանգամանքը։

«Նպաստառու ընտանիքների աշխատունակ անձինք, նպաստի իրավունքից չզրկվելու համար, խուսափում են հարմար աշխատանքի առաջարկներից կամ զբաղվածության պետական ծրագրերի շրջանակներում իրականացվող ակտիվ ծրագրերում ընդգրկվելուց»,- նշված է նախագծի հիմնավորման մեջ։

Այս առաջարկություններն, ըստ Աշխատանքի և սոցիալական հարցերի նախարարության, մշակել է վարչապետի որոշմամբ ստեղծված աշխատանքային խումբը, որն ուսումնասիրում էր ընտանեկան և սոցիալական նպաստների համակարգում առկա խնդիրները, համակարգի հասցեականությունը։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter