HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Հերգնյան

Հունվար-սեպտեմբերին հարկերն աճել են 21.6 %-ով

Այս տարվա հունվար-սեպտեմբերին Պետական եկամուտների կոմիտեն հավաքագրել է 1 տրլն 79.2 մլրդ դրամի հարկեր, որով 17.7 մլրդ դրամով կամ 1.7 %-ով գերակատարվել է բյուջեով սահմանված և ճշգրտված ծրագիրը։ Այս մասին այսօրվա ասուլիսին հայտարարեց ՊԵԿ նախագահ Դավիթ Անանյանը։ Ըստ նրա՝ հարկերի գերակատարումը պայմանավորված է առաջին կիսամյակում հավաքագրված հարկերի ծավալներով, իսկ երրորդ եռամսյակում տեմպերը թուլացել են։

Մասնավորապես, հարկային մարմինների կողմից այս տարվա առաջին 9 ամիսներին հավաքագրվել է 812.4 մլրդ դրամ, իսկ մաքսային մարմինների կողմից՝ 266.8 մլրդ դրամ։

Ընդհանուր հավաքագրված 1 տրլն 79.2 մլրդ դրամի հարկերի ծավալը, 2018 թվականի հունվար-սեպտեմբերի համեմատ, աճել է 191.5 մլրդ դրամով կամ 21.6 %-ով։ Այդ թվում՝ հարկային մարմինների կողմից հավաքագրված հարկերն աճել են 157.6 մլրդ դրամով կամ 24.1 %-ով, իսկ մաքսային մարմինների կողմից հավաքագրված հարկերն ավելացել են 33.9 մլրդ դրամով կամ 14.6 %-ով։

ԱԱՀ-ի և եկամտային հարկի գծով այս տարվա առաջին 9 ամիսներին հարկատուներին է վերադարձվել 86.7 մլրդ դրամ՝ նախորդ տարվա նույն ամիսների 72.5 մլրդ դրամի փոխարեն։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter