Դեկտեմբերի 8-ին Արարատի մարզի Տափերական համայնքում կանցկացվի համայնքի ղեկավարի արտահերթ ընտրություն։ Նման որոշում այսօրվա նիստին կայացրեց Կառավարությունը։

Ինչպես Կառավարությանը հայտնել է Տարածքային կառավարման և ենթակառուցվածքների նախարարությունը՝ Տափերականի համայնքի ղեկավար Միհրան Մանասերյանը սեպտեմբերի 1-ին հրաժարականի դիմում է ներկայացրել։ Համայնքի ավագանին կազմել է համայնքապետի լիազորությունները վաղաժամկետ դադարեցնելու մասին արձանագրություն և այն ներկայացրել Տարածքային կառավարման և ենթակառուցվածքների նախարարություն:

Նշենք, որ Միհրան Մանասերյանը համայնքի ղեկավարի պաշտոնում ընտրվել էր 2016 թվականի սեպտեմբերի 18-ին կայացած ընտրությամբ: