HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Առաջարկվում է Տաշիրի բժշկական կենտրոնի նոր շենքը կառուցել քաղաքի ավտոկայանի տարածքում

Պետական գույքի կառավարման կոմիտեն առաջարկում է Տաշիրի բժշկական կենտրոնի նոր շենքը կառուցել Տաշիրի ավտոկայանի տարածքում։

Նման առաջարկություն է Պետգույքի կառավարման կոմիտեն ներկայացրել իրավական ակտերի նախագծերի հրապարակման միասնական կայքում։

Տարածքի ընտրությունը կատարել են Առողջապահության նախարարության և Քաղաքաշինության կոմիտեի մասնագետները։

«Տաշիրի ավտոկայանի տարածքը քաղաքացիների համար, անհարմար դիրքի պատճառով, երկար տարիներ ըստ նշանակության չի օգտագործվում և իր դիրքի պատճառով նպատակահարմար չէ վերագործարկել որպես ավտոկայան»,- հայտնել է Պետգույքի կոմիտեն։

Բժշկական կենտրոնի նոր շենքի կառուցման տարածքն ընտրվել է հաշվի առնելով, որ այն հարակից է քաղաքի գլխավոր ճանապարհին, տեղակայված է քաղաքի կենտրոնական հատվածում և մատչելի է ազգաբնակչության համար։ Կարևորվել է նաև այն հանգամանքը, որ մոտ է գործող ենթակառուցվածքներին, և հարակից հատվածները կառուցապատված չեն բնակելի շինություններով։

«Հայավտոկայարան» ՓԲԸ-ի այդ տարածքի դիմաց պետությունը կմարի ընկերության շահութաբաժնի գծով շուրջ 18 միլիոն դրամ պարտքը։

Կոմիտեի հաղորդմամբ՝ այժմ միջոցներ են ձեռնարկվում Տաշիրում ավտոկայանի համար նոր տարածք ձեռք բերելու ուղղությումբ։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter