HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Հրայր Թովմասյանի դուստրերից մեկն ԱԱԾ-ում է, հայրն արդեն բացատրություն է տվել

ՍԴ նախագահ Հրայր Թովմասյանի դուստրերից մեկն այս պահին Ազգային անվտանգության ծառայությունում բացատրություն է տալիս, մյուս դուստրը դեռևս բացատրություն չի տվել: Այս մասին «Հետքի» հետ զրույցում ասաց փաստաբան Ամրամ Մակինյանը: Վերջինս հայտնեց, որ Թովմասյանի հայրը՝ Վարդան Թովմասյանն, արդեն եղել է ԱԱԾ-ում, նրանից բացատրություն են վերցրել: Լրատվամիջոցներում լուր էր տարածվել, թե ԱԱԾ-ում Վարդան Թովմասյանի ինքնազգացողությունը վատացել է: Ամրամ Մակինյանը մեզ հետ զրույցում նշեց, որ Վարդան Թովմասյանի ինքնազգացողության վատացումը որևէ կապ չունի բացատրություն տալու հետ, պարզապես նա վատառողջ է:

Պաշտպան Մակինյանն այս պահին այլ մանրամասներ չհայտնեց, թե ինչի վերաբերյալ են ԱԱԾ-ում նյութեր նախապատրաստվում:

Նշենք, որ ԱԱԾ-ի դիմաց բողոքի ակցիա է, որը նախաձեռնել է «Իրավական ուղի» հասարակական կազմակերպության համահիմնադիր Ռուբեն Մելիքյանը: Այստեղ են նախկին պատգամավորներ Արծվիկ Մինասյանը, Զարուհի Փոստանջյանը, Էդուարդ Շարմազանովը, Արփինե Հովհաննիսյանը և այլք:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։