HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Գևորգ Պետրոսյան. «Ո՞ւմ են հարցրել, որ գրչի մի հարվածով լուծարում են այդ գիշերօթիկները»

«Բարգավաճ Հայաստան» խմբակցության պատգամավոր Գևորգ Պետրոսյանը Ազգային ժողովի հայտարարությունների ժամին անդրադարձավ գիշերօթիկ հաստատությունների լուծարման վերաբերյալ կառավարության որոշմանը:

«Ուզում եմ ձեր ուշադրությունը հրավիրել մի խնդրի վրա, որը վերջին շրջանում հուզում է բոլորին` գիշերօթիկները լուծարելու որոշմանը: Փորձելով անմեղության կանխավարկածով մոտենալ այդ ծրագրի հեղինակների նպատակներին, միևնույն է կարծում եմ, որ գոնե բարոյական տեսանկյունից պարտավոր են ժողովրդին ասել, թե լուծարման դեպքում ինչ է սպասվում այդ երեխաներին, ինչպես է կազմակերպվելու նրանց խնամքը, և ով է այն մոլորյալը, որ մտածում է գիշերօթիկը միայն գիշերը մնալու տեղ է»,- ասաց Գևորգ Պետրոսյանը:

Պատգամավորի համոզմամբ` հայ ազգի շատ արժանավոր ներկայացուցիչներ գիշերօթիկների, մանկատան սաներ են, այնտեղ մարդը կրթվում է, դառնում հասարակության լիարժեք անդամ:

«Ո՞ւմ են հարցրել, որ գրչի մի հարվածով լուծարում են այդ գիշերօթիկները: Գյումրու թիվ մեկ գիշերօթիկից ստացել ենք ահազանգեր, այնտեղ ապրում է երկկողմանի ծնողազուրկ, որի ճակատագրի մասին ոչինչ հայտնի չէ»:

Պատգամավորը կոչ արեց մի կողմ դնել քաղաքական պատկանելության հարցը և համատեղ ուժերով քննարկել հարցի լուծումը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։