HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

2020 թվականի հունվարի 1-ից կնվազի Հայաստան-Արցախ զանգերի սակագինը․ նոր նախագիծ

2020 թվականի հունվարի 1-ից մինչև 2025 թվականի հունվարի 1-ն աստիճանաբար կնվազեն Հայաստանի և Արցախի օպերատորների միջև գործող հեռախոսային ծառայությունների վճարները: Արդյունքում՝ 2025 թվականի հունվարի 1-ից հետո մեկ րոպեի համար կսահմանվի 5 դրամ վճար։

Նման առաջարկություն է ներկայացրել իրավական ակտերի նախագծերի հրապարակման միասնական կայքում Հանրային ծառայությունները կարգավորող հանձնաժողովը։

«ՀՀ և ԱՀ շարժական ու ամրակցված կապի ցանցերի միջև փոխկապակցման ծառայությունների նվազեցումը հնարավորություն կընձեռի օպերատորներին նվազեցնել ՀՀ և ԱՀ միջև գործող հեռախոսային ծառայությունների վճարները, ինչը կնպաստի բաժանորդների կողմից նշված ծառայություններից օգտվելու ծավալների աճին»,- հայտնել է Հանրային ծառայությունները կարգավորող հանձնաժողովը։

Հանձնաժողովի հաղորդմամբ՝ սեպտեմբերի 6-ին Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի և «Ղարաբաղ Տելեկոմ» ընկերության և «ՎԵՈՆ Արմենիա», «ՄՏՍ Հայաստան» ու «Յուքոմ» ընկերությունների միջև ստորագրվել է փոխկապակցման վճարների և ռոումինգի ծառայությունների սակագների վերաբերյալ փոխըմբռնման հուշագիր։ Դրանով նախատեսվում է, ըստ ժամանակացույցի, 2020 թվականի հունվարի 1-ից մինչև 2025 թվականի հունվարի 1-ը աստիճանաբար նվազեցնել ՀՀ և ԱՀ օպերատորների շարժական ու ամրակցված կապի ցանցերի միջև փոխկապակցման ծառայությունների առավելագույն վճարները:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter