Կառավարությունն այսօրվա նիստին որոշեց անժամկետ, անհատույց օգտագործման իրավունքով 487 քառ. մետր մակերեսով տարածքը հանձնել Աղասի Խանջյանի անվան հ. 53 հիմնական դպրոցին։ Այն տեղակայված է Տիգրան Մեծի 26 ա հասցեում։

Պետական գույքի կառավարման կոմիտեն հայտնել է, որ Կառավարությունը 2013 թվականի ապրիլին որոշել էր այդ տարածքը 10 տարի ժամկետով հատկացնել «Նունե Եսայան» բարեգործական հասարակական կազմակերպությանը: Սակայն նախորդ տարվա հոկտեմբերին ուժը կորցրած է ճանաչվել այդ որոշումը, քանի որ ՀԿ-ն չի կարողացել իրականացնել ներկայացրած գործարար ծրագիրը։

Այս տարվա փետրվարի 25-ին Պետական գույքի կառավարման կոմիտե է դիմել Երևանի քաղաքապետարանը՝ այդ տարածքը «Երևանի Ա. Խանջյանի անվան հ. 53 հիմնական դպրոց»-ին վերադարձնելու խնդրանքով։