Ազգային ժողովից դյուրակիր համակարգիչ կփոխանցվի «Եղիշե Չարենցի տուն-թանգարան»-ին
Կառավարությունը որոշեց Ազգային ժողովից երեք դյուրակիր համակարգիչ փոխանցել «Եղիշե Չարենցի տուն-թանգարան»-ին:
Կրթության, գիտության, մշակույթի և սպորտի նախարարությունը գործադիրին հայտնել է, որ այս տարի ԱԺ-ի համակարգիչները փոխարինվել են հայկական արտադրության համակարգիչներով։ Հունիսին ԱԺ նախագահին է դիմել տուն-թանգարանի տնօրենը` խնդրելով հնարավորության դեպքում այդ համակարգիչները տրամադրել իրենց:
«Եղիշե Չարենցի տուն-թանգարանին անհրաժեշտ գույքով ապահովելը կնպաստի վերջինիս կանոնադրական գործառույթների լիարժեք և արդյունավետ իրականացմանը»,- հայտնել է Կրթության, գիտության, մշակույթի և սպորտի նախարարությունը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել