HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Կառավարությունն արտոնություն տվեց Խաչատուր Սուքիասյանի ընտանիքին պատկանող ընկերությանը

Կառավարությունն այսօրվա նիստին արտոնություն տվեց նախկին պատգամավոր և գործարար Խաչատուր Սուքիասյանի ընտանիքին պատկանող «Սիլ-մաազա» ընկերությանը։ Մասնավորապես՝ ընկերությանը թույլատրվեց հոկտեմբերի 15-ից մինչև 2021 թվականի դեկտեմբերի 31-ը ներկրել ապրանքներ՝ ավելացված արժեքի հարկը 3 տարի անց վճարելով։

Էկոնոմիկայի նախարար Տիգրան Խաչատրյանի հաղորդմամբ՝ ԱԱՀ-ի վճարման գումարը կազմում է 16․4 միլիոն դրամ։

Նշենք, որ «Սիլ-մաազա» ընկերությունը «ՍԻԼ ԿՈՆՑԵՌՆ»-ի ընկերությունների խմբի մաս է կազմում։ Իսկ Խաչատուր Սուքիասյանը «ՍԻԼ Կոնցեռն» ՍՊԸ-ի հիմնադիրն է։

Էկոնոմիկայի նախարարության հաղորդմամբ՝ «Սիլ-մաազա» ՍՊԸ-ն զբաղվում է հյութերի, զովացուցիչ ըմպելիքների և ջրերի (նաև գազավորված) արտադրությամբ։

«Ընկերությունը ներդրումային ծրագրի շրջանակներում ձեռք է բերել նոր շշերի կաղապարներ և պատրաստվում է ձեռք բերել նոր, ավելի մեծ արտադրողականություն ունեցող շշալցման հոսքագիծ, որը հնարավորություն կտա ընդլայնելու արտադրատեսականին և կնպաստի նախատեսված ներկրվող ապակյա շշերով շշալցման աշխատանքների արագ և արդյունավետ կազմակերպմանը»,- հայտնել է նախարարությունը։

«Սիլ-մաազա» ընկերությունը մտադիր է կատարել շուրջ 119 միլիոն դրամի ներդրում՝ խոստանալով ստեղծել 17 նոր աշխատատեղ։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter