Փետրվարի 20-ին ահազանգ է ստացվել, որ Շիրակի մարզում՝ Աշոցք-Բավրա ավտոճանապարհին, ձնաբքի հետևանքով արգելափակվել է երթևեկությունը, և խցանման մեջ են մնացել ավտոմեքենաներ: Համապատասխան տեխնիկայով մաքրվել է ավտոճանապարհի անանցանելի հատվածը, և մոտ 80 ավտոմեքենա (մոտ 150 ուղևորներ) շարունակել է երթևեկությունը:

Ձնաբքի հետևանքով արգելափակված ավտոմեքենաներ են դուրս բերվել նաև Շիրակի մարզի Գյումրի-Ամասիա, Աշոցք-Թորոս ավտոճանապարհներից, Մայիսյան գյուղի մոտակայքից, Արագածոտնի մարզի Ալագյազ-Ծաղկահովիտ, Գեղարքունիքի մարզի Քարվաճառ-Վարդենիս ավտո­ճա­նա­պարհից (Սոթք գյուղի մոտակայք):