Դեկտեմբերի 8-ին Արարատի մարզի Նորաշեն համայնքում կանցկացվի ավագանու անդամների արտահերթ ընտրություն։ Նման որոշում այսօրվա նիստին կայացրեց Կառավարությունը։

Տարածքային կառավարման և ենթակառուցվածքների նախարարության հաղորդմամբ՝ համայնքի ավագանու չորս անդամներ հրաժարականի դիմում են ներկայացրել, Արտակ Հարությունյանն էլ մեկ ամիս առաջ համայնքի ղեկավարի պաշտոնակատար է նշանակվել։

Ավագանու անդամների մեծամասնության բացակայությամբ պայմանավորված՝ համայնքում ավագանու նիստեր տեղի չեն ունենում։

Նշենք, որ Արարատի մարզի Նորաշեն համայնքի ավագանին ձևավորվել է 2016 թվականի սեպտեմբերի 18-ին կայացած համայնքի ավագանու անդամների ընտրության արդյունքում: