Կառավարությունն այսօրվա նիստին 45 միլիոն դրամ հատկացրեց Պետական պահպանության ծառայությանը բնականոն գործունեությունն ապահովման նպատակով։

Այդ գումարի շրջանակներում ծառայությունը ձեռք կբերի չորս հատուկ նշանակության ավտոմեքենա, կգնի օդորակիչներ, համակարգիչներ, տպիչներ, կենցաղային տեխնիկա և ավտոմեքենաների լվացման բարձր ճնշմամբ աշխատող սարք։

Ծառայությունը հայտնել է, որ այս տարի իրենցից օտարվել է 12 ավտոմեքենա, ևս 9 ավտոմեքենա, տեխնիկական ոչ բարվոք վիճակից ելնելով, ենթակա է օտարման, սակայն ավտոմեքենաների քանակի անբավարարությամբ պայմանավորված՝ օտարման գործընթացը հետաձգվում է, ինչն առաջացնում է ոչ արդյունավետ ծախսեր: