«Ուսուցչի օրվա» առթիվ պարգևատրված մասնագետները համակարգիչներ կստանան․ գործադիրը 20 միլիոն դրամ հատկացրեց
Կառավարությունն այսօրվա նիստին 22 միլիոն տրամադրեց «Ուսուցչի օրվա» առթիվ հանրակրթական ուսումնական հաստատությունների դաստիարակներին խրախուսելու նպատակով։ Գումարը փոխանցվելու է Կրթության, գիտության, մշակույթի և սպորտի նախարարությանը։
Այդ գումարով նախարարությունը գնելու է 77 դյուրակիր համակարգիչ այն տնօրենների, ուսուցիչների և նախադպրոցական ուսումնական հաստատության դաստիարակների համար, ովքեր հոկտեմբերի 4-ի՝ «Արամ Խաչատրյան» համերգասրահում տեղի ունեցած միջոցառման ընթացքում խրախուսվել են շնորհակալագրով։
Բացի այդ, Կառավարությունը որոշեց 20 միլիոն դրամ հատկացնել Կրթության, գիտության, մշակույթի և սպորտի նախարարությանը՝ աշխատանքային բնականոն գործունեությունն ապահովելու նպատակով։ Նախարարությունն ընդգծել է, որ մի շարք նախարարությունների միացման արդյունքում ընդլայնվել է նախարարության աշխատակազմը, որի պատճառով էլ անհրաժեշտություն է առաջացել ձեռք բերել ապրանքներ, ծառայություններ և աշխատանքներ։
Մեկնաբանել