ԱՆ-ն պարզաբանել է Աննա Վարդապետյանին պաշտոնից ազատելու որոշումը
Երեկ հայտնի դարձավ, որ վարչապետ Նիկոլ Փաշինյանի նոյեմբերի 8-ի որոշմամբ Աննա Վարդապետյանն ազատվել է արդարադատության նախարարի տեղակալի պաշտոնից։
Արդարադատության նախարարության տեղեկատվության և հասարակայնության հետ կապերի վարչությունն այսօր տարածել է նախարարության պարզաբանումը Վարդապետյանի ազատման վերաբերյալ, որում ասված է. «Արդարադատության նախարարությունը բարձր է գնահատում տիկին Աննա Վարդապետյանի պրոֆեսիոնալիզմն ու ներդրումը՝ հատկապես Դատաիրավական բարեփոխումների ռազմավարության մշակման աշխատանքներում: Խնդիրը բացառապես պայմանավորված է եղել կառուցվածքային հնարավոր փոփոխություններով, որոնք ուղղված են լինելու Նախարարության աշխատանքներն առավել արդյունավետ դարձնելուն»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել