Պաշտպանության նախարարության հայտարարությունը նախապատրաստական դասընթացների կազմակերպման վերաբերյալ
Սեպտեմբերի 30-ին պաշտպանության նախարարության, Հայաստանի գիտության և տեխնոլոգիաների հիմնադրամի (FAST) և «Հայ Տեք» կիբեռանվտանգության կենտրոն հիմնադրամի միջև ստորագրված փոխըմբռնման հուշագրի համաձայն՝ կազմակերպվում են «1991 ստորաբաժանումում» ծառայություն անցնելու համար նախապատրաստական դասընթացներ:
Ինչպես հաղորդում է ՊՆ մամուլի ծառայությունը, նախապատրաստական դասընթացների նպատակն է նախազորակոչային տարիքում գտնվող անձանց տրամադրել լրացուցիչ գիտելիքներ տվյալագիտության և արհեստական բանականության ոլորտների վերաբերյալ, որի շնորհիվ դասընթացների մասնակիցներն առավել պատրաստված կլինեն «1991 ստորաբաժանումում» ծառայություն անցնելու համար։
Նախապատրաստական դասընթացների բովանդակությունն է.
- գծային հանրահաշիվ և անալիտիկ երկրաչափություն,
- մաթեմատիկական անալիզ,
- հավանականությունների տեսություն,
- ծրագրավորման հիմունքներ,
- մեքենայական ուսուցման հիմունքներ,
- նեյրոնային ցանցերի հիմունքներ,
- ավարտական նախագծեր:
Նախապատրաստական դասընթացներին մասնակցելու համար անհրաժեշտ է գրանցվել հետևյալ http://bit.ly/2MTEtZy հղումով:
«1991 ստորաբաժանման» մասին տեղեկատվության կարող եք ծանոթանալ հղումով:
Հարցերի դեպքում կարող եք գրել [email protected] էլեկտրոնային հասցեին կամ զանգահարել +374 60 74 00 44 հեռախոսահամարով։
Նախապատրաստական դասընթացներն անվճար են։
Մեկնաբանել