HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արցախի Հանրապետության ԱԳՆ ղեկավարն ընդունել է ՀՀ ԱԳՆ կրտսեր դիվանագետներին

Նոյեմբերի 21-ին Արցախի Հանրապետության արտաքին գործերի նախարար Մասիս Մայիլյանն ընդունել է ՀՀ ԱԳՆ դիվանագիտական դպրոցի տնօրեն դեսպան Վահե Գաբրիելյանի գլխավորությամբ Արցախ ժամանած ՀՀ ԱԳՆ կրտսեր դիվանագետներին։

Նախարարության հաղորդագրության համաձայան Մասիս Մայիլյանը ողջունել է հանդիպման մասնակիցներին և կարևորել նրանց ճանաչողական այցն Արցախ՝ հանրապետությունում առկա իրողությունների, ինչպես նաև Արցախի դիվանագիտական գործունեության առանցքային ուղղությունների վերաբերյալ համապարփակ տեղեկատվություն ստանալու առումով։

Մասիս Մայիլյանը գոհունակությամբ է նշել  երկու արտաքին քաղաքական գերատեսչությունների և դրանց ստորաբաժանումների միջև համագործակցության բարձր մակարդակը՝ ընդգծելով համակարգված և հետևողական ջանքերի կարևորությունը՝ ի նպաստ համահայկական նպատակների իրականացման։

ԱԳՆ ղեկավարը պատասխանել է հանդիպման մասնակիցների հարցերին, որոնք վերաբերում էին Արցախի Հանրապետության արտաքին քաղաքականության առաջնահերթություններին, ներառյալ՝ Արցախի միջազգային ճանաչման և ապակենտրոնացված համագործակցության, ինչպես նաև ադրբեջանա-ղարաբաղյան հակամարտության խաղաղ կարգավորման գործընթացներին։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter