Ռումինական ավիաընկերությունը շտկել է խնդիրը․ Քաղավիացիա
Հետքը երեկ գրել էր, որ Բուխարեստ-Երևան-Բուխարեստ չվերթից օգտվողները զրկված են սպասարկումը բողոքարկելու և փոխհատուցում ստանալու իրենց իրավունքից։ Այդ մասին մեզ հայտնել էր Passenger.am ընկերության համահիմնադիր, տնօրեն Վաներ Հարությունյանը։
Քաղաքացիական ավիացիայի կոմիտեն այսօր հայտարարություն է տարածել այդ հրապարակման վերաբերյալ, որը ներկայացնում ենք ստորև․
«Անդրադառնալով «Հետք» էլեկտրոնային թերթի «Ռումինական ավիաընկերությունը ոտնահարում է երևանյան ուղևորների իրավունքը» վերտառությամբ հոդվածին՝ տեղեկացնում ենք, որ Քաղաքացիական ավիացիայի կոմիտեն կապ է հաստատել «Տարոմ» ավիաընկերության հայաստանյան գլխավոր ներկայացուցիչ Արարատ Մուրադյանի հետ:
Վերջինիս փոխանցմամբ լրագրողի հետ զրույցից հետո խնդրի մասին գրավոր կերպով ծանուցել է ավիաընկերության գլխամաս։ Նոյեմբերի 26-ի դրությամբ տեխնիկական խնդիրը շտկվել է։
Այս պահին բողոք-դիմումի հայտում Երևանը՝ որպես ուղղություն, առկա է»։
Մեկնաբանել