Կառավարությունը տարածք հատկացրեց պաշտպանության նախարարությանը՝ Սյունիքի մարզի զինվորական կոմիսարիատի Մեղրու բաժանմունքի բնականոն գործունեությունն ապահովելու նպատակով:

Տարածքային կառավարման և ենթակառուցվածքների նախարարության հաղորդմամբ՝ 2018 թվականի մարտին Սյունիքի մարզի զինվորական կոմիսարը դիմել է Մեղրի համայնքի ղեկավարին՝ զինվորական կոմիսարիատի Մեղրու բաժանմունքին չորս աշխատասենյակ հատկացնելու նպատակով: Քանի որ Մեղրի համայնքի Զորավար Անդրանիկի 2 հասցեում գտնվող վարչական շենքի Մեղրի համայնքապետարանին ամրակցված բոլոր աշխատասենյակները զբաղված են եղել, համայնքապետարանը գրությամբ դիմել է պետական եկամուտների կոմիտե՝ առաջարկելով կոմիտեի տնօրինության տակ գտնվող, Մեղրի քաղաքի Զորավար Անդրանիկի 2 հասցեի վարչական շենքում 223 քմ ընդհանուր մակերեսով տարածքը հատկացնել պաշտպանության նախարությանը։