Նորքի անտառնի 45 հեկտար տարածքում կներդրվի կաթիլային ոռոգման համակարգ։ Դրա նախագծանախահաշվային փաստաթղթերի կազմման նպատակով կառավարությունը շրջակա միջավայրի նախարարությանը 6 միլիոն դրամ հատկացրեց։ 

Շրջակա միջավայրի նախարարության հաղորդմամբ՝ Երևանի անտառպետության 56 հեկտարից ծառապատվել է 45 հեկտարը, սակայն ներկայումս իրականացվող ոռոգման արդյունավետությունը բավական ցածր է, քանի որ ջուրը հոսում է ոչ նպատակային՝ ելնելով հողի շերտի կառուցվածքից։

«Արդյունքում ծառերը չեն ստանում աճի համար անհրաժեշտ քանակությամբ ջուր։ Կաթիլային ոռոգման համակարգի ներդնումը հնարավորություն կտա ապահովել յուրաքանչյուր ծառի համար անհրաժեշտ քանակությամբ ջրով սնուցում»,- հայտնել է նախարարությունը։

Նախնական հաշվարկներով՝ կաթիլային ոռոգման համակարգի ներդրման համար անհրաժեշտ է լինելու մոտ 120 մլն դրամ։