Արտակարգ իրավիճակների նախարարությունը տեղեկացնում է, որ նոյեմբերի 28-ին` ժամը 22:45-ին, «911» ծառայություն ահազանգ է ստացվել, որ Սյունիքի մարզի Գորիս-Կապան ավտոճանապարհին այրվում է բեռնատար ավտոմեքենայի կցորդիչը:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Հրդեհը մեկուսացվել է ժամը 23:21-ին, մարվել՝ 00:00-ին: Այրվել է բեռնատարի կցորդիչը՝ մասամբ:

Բեռնատարի վարորդը հոսպիտալացվել է Գորիսի ԲԿ, որտեղ բժիշկները նրա առողջական վիճակը գնահատել են բավարար: