Սուրեն Թովմասյանը նշանակվեց Կադաստրի կոմիտեի ղեկավար
Սուրեն Թովմասյանը նշանակվեց Կադաստրի կոմիտեի ղեկավար։ Նման որոշում այսօրվա նիստին կայացրեց Կառավարությունը։
Սուրեն Թովմասյանը Ճարտարապետության և շինարարության Հայաստանի ազգային համալսարանի դասախոս է, համալսարանի Ինժեներական գեոդեզիայի ամբիոնի վարիչ։
«Վստահեցնում եմ բոլորին, որ Հայաստանի Հանրապետության քաղաքացիները կարճ ժամանակում կտեսնեն մեծ, շոշափելի փոփոխություններ կադաստրին վերաբերվող ոլորտում»,- Կառավարության նիստին հայտնեց Սուրեն Թովմասյանը։
Վարչապետ Նիկոլ Փաշինյանն էլ հայտնեց, որ Սուրեն Թովմասյանի թեկնածությունը առաջադրվել է Կառավարության ստեղծած «Կադրերի բանկի» միջոցով։
Հոկտեմբերի 31-ին Կառավարությունը որոշեց Սարհատ Պետրոսյանին ազատել Կադաստրի կոմիտեի ղեկավարի պաշտոնից:
Նշենք, որ հոկտեմբերի 18-ին Պետրոսյանը հրաժարականի դիմում էր ներկայացրել վարչապետ Նիկոլ Փաշինյանին։ Սարհատ Պետրոսյանը Կադաստրի կոմիտեի ղեկավար էր նշանակվել 2018 թվականի օգոստոսի 8-ին։
Մեկնաբանել