Տեսանյութեր
Լուսանկարներ
«Գյումրու տուն-ինտերնատը» լուծարվեց
Կառավարությունն այսօրվա նիստում որոշեց լուծարել «Գյումրու տուն-ինտերնատը» պետական ոչ առևտրային կազմակերպությունը (ՊՈԱԿ
Նախարարության հաղորդմամբ՝ տուն-ինտերնատի լուծարումից հետո, կացարանի ու խնամքի կարիք ունեցող տարեց և հաշմանդամություն ունեցող 160 անձի կացարանով ապահովման և խնամքի ծառայությունները կպատվիրակվեն ոչ պետական կազմակերպության:
Գործադիր ներկայացված որոշման նախագծում նշվում է, որ տուն-ինտերնատի լուծարումից գոյացած դրամական միջոցները կփոխանցվեն պետական բյուջե, որն ամբողջությամբ կուղղվի տարեցների շուրջօրյա խնամքի ծառայությունների իրականացմանը: Իսկ խնամքի ծառայությունը, կազմակերպության լուծարումից հետո կպատվիրակվի ոլորտում փորձ և վաստակ ունեցող ոչ պետական կազմակերպության, և արդյունքում կբարձրանան շահառուներին մատուցվող ծառայությունների որակը, արդյունավետությունը, աշխատողների աշխատանքային, ինչպես նաև տուն-ինտերնատի շենքային և գույքային պայմանները՝ ի հաշիվ ընտրված կազմակերպության կողմից կատարվող ներդրումների, որը ծառայությունների պատվիրակման համար պետք է լինի պարտադիր նախապայման։
Մեկնաբանել