Ոստիկանությունը պարզել է, որ զբոսաշրջիկին Հանրապետության հրապարակ տարած անձն անհատ տաքսու վարորդ է
Ոստիկանության հասարակայնության հետ կապի եւ լրատվության վարչության պետի տեղակալ Էդգար Ջանոյանը ֆեյսբուքյան իր էջում անդրադարձել է «Աէրոպորտ Սերվիս» ՍՊԸ-ի տաքսի ծառայության վարորդի կողմից գերմանացի զբոսաշրջիկին 34 հազար դրամով օդանավակայանից «Մարիոթ» հյուրանոց հասցնելու վերաբերյալ հրապարակումներին։
«Դեկտեմբերի 12-ին սոցցանցերում հրապարակում էր արվել, ըստ որի՝ «Աէրոպորտ սերվիս»տաքսի ծառայության վարորդներից մեկը գերմանացի զբոսաշրջիկին «Զվարթնոց»օդանավակայանից Հանրապետության հրապարակ հասցնելու դիմաց ստացել է 34.000 դրամ՝ ներկայացնելով համապատասխան կտրոն։
Հրապարակման հիման վրա ոստիկանության «Զբարթնոց» օդանավակայանի գծային բաժնում սկսվել է նյութերի նախապատրաստման գործընթաց։ Ոստիկանության ծառայողները պարզել են, որ զբոսաշրջիկին Հանրապետության հրապարակ տարած անձը անհատ տաքսու վարորդ է։ 38-ամյա տղամարդը ոստիկանության «Զվարթնոց» օդանավակայանի գծային բաժնում տվել է բացատրություն։ Հանգամանքները պարզվում են»,- գրել է Էդգար Ջանոյանը։
Մեկնաբանել