Ստյոպա Սաֆարյանը նշանակվեց Հանրային խորհրդի նախագահ
Միջազգային և անվտանգության հարցերի հայկական ինստիտուտի (ՄԱՀՀԻ) ղեկավար Ստյոպա Սաֆարյանը նշանակվեց Հանրային խորհրդի նախագահ։
Նման որոշում այսօրվա նիստին կայացրեց Կառավարությունը։
«Այո, ես եմ առաջադրել պարոն Սաֆարյանի թեկնածությունը և ուրախ եմ դրա համար։ Պարոն Սաֆարյանը Հայաստանի Հանարապետությունում երկար տարիներ հանրային քաղաքական գործունեություն է ծավալում, և կարծում եմ, որ այս նոր կարգավիճակում նրա գործունեությունն ավելի արդյունավետ կլինի՝ ի շահ Հայաստանի Հանրապետության, Արցախի Հանրապետության և հայ ժողովրդի»,- ասաց Նիկոլ Փաշինյանը։
Վարչապետը ընդգծեց, որ Ստյոպա Սաֆարյանի առջև բարդ խնդիր է դրված, քանի որ սա Հանրային խորհրդի վերջին շանսն է ապացուցելու, որ որպես Կառավարության խորհրդատվական մարմին՝ իսկապես կարող է լինել արդյունավետ։
Ստյոպա Սաֆարյանը Կառավարության անդամներին շնորհակալություն հայտնեց իրեն վերապահված մեծ վստահության համար․«Անկեղծ ասած՝ սա իմ կյանքում ամենաանսպասելի առաջարկներից մեկն է եղել, որ ես ստացել եմ։ Մեծագույն պատիվ է աշխատել Հայաստանի Հանրապետության, Արցախի Հանրապետության համար, նրանց շահերի համար։ Մեծագույն հաճույք և պատիվ է աշխատել նոր Հայաստանի կառավարության գործընկերությամբ։ Կփորձեմ ինձանից կախված և իմ ներուժի բոլոր հնարավորությունների շրջանակներում ապահովել Կառավարության և հնարության կամուրջներից մեկը»,- նշեց Ստյոպա Սաֆարյանը
Մեկնաբանել